Manifestazioa. Maiatzak 24, Donostian 19:00tan Alderdi ederren

(abajo en castellano)

Sistema kapitalistak planeta benetako hondamendira darama. Enpresari eta bankari handiek kosta ahala kosta irabazi maximoa eskuratzeko eta euren poltsikoak betetzeko helburu bakarra dute, eta horretarako berdin zaie ingurumena suntsitzea eta mundu guztian zehar langile klasean eta gazteetan miseria gordinena zabaltzea. Euren esanetara dauden gobernu kapitalistetako ordezkariek “ekonomia berdearen eta jasangarriaren” inguruko goi bilerak eta diskurtsoak erabiltzen dituzte euren aurpegiak zuritzeko, protokoloak onartzen dituzte, baina gero ezerezean geratzen dira multinazional handien interesen alde.

Enlace al artículo en castellano

“Ez ditugu onartzen gizarteak gure paper sexualak inposatzeko eta gure edonolako izaera definitzeko egiten dituen saiakerak, uko egin baitiegu paper horiei eta gizartearen mito sinplistei. Benetan garenak izan nahi dugu. Forma sozial berriak sortu nahi ditugu eta giza erlazio berriak anaitasunean, kooperazioan, maitasunean eta sexualitatearen desibinizioan oinarrituak”. Emakume Aske eta Borrokalarietatik eta Ikasle Sindikatutik gure egiten ditugu orain dela ia 50 urte Askapen Gayko Fronteak idatziriko hitz hauek.

Denak Manifestaziora apirilaren 6ean

Bilbo. 18:00tan Jesusen Bihotzetik

(abajo en castellano)

Sestaoko Naval ontziolari ixteko azken kolpea eman nahi diote. Martxoaren 4ean, langileek kaleratze autoa jaso zuten, plantila guztiari eragiten dion iraungitze EREaren baitan. Egoera larria da. 3 mila lanposturen galera suposatuko du itxierak, eta horrek hiru mila langile familiei eragiteaz gain, zuzenean eragiten digu gazteoi ere: gure gurasoek langile borroketan lortu zituzten lan baldintza guztiekin amaitu eta lanpostu duinak suntsitu nahi dituzte enpresariek eta beren zerbitzura dauden gobernuek, gazteok langabeziara, lanik prekarioenetara edo gure herrietatik alde egin behar izatera kondenatuz. Honen aurrean, beharrezkoa da gazteok ere langileen alboan mobilizatzea, eta ezkerraldeko industriaren eta lanpostu duinen aldeko borroka bateratzea.

Emakume Aske eta Borrokalariak - Ikasle Sindikatua

Ez feminismo liberalik, ezta matxismo frankistarik ere!

Martxoaren 8ko greba orokor feminista baino egun batzuk lehenago, Ciudadanosek (Cs) ekitaldi publiko bat egin zuen eta bertan “feminismo liberala” defendatzeko dekalogo bat aurkeztu zuen. Gehiagotan ere saiatu da Albert Riveraren eta Ines Arrimadasen alderdia bere burua mugimendu feministaren zatitzat aurkezten, aberatsen alde egiten duen politika neoliberala zuritzeko.

Artículo en castellano

Pklikatu hemen argazkiak ikusteko

Klikatu hemen bideoak ikusteko

Zaila zirudien iazko Martxoren 8a gainditzea, baina egin dugu! Milioika emakume langile eta gaztek Euskal Herriko zein Estatu mailako borroka sozial eta politikoen historiaren orrialdeetan letra larriz idatziko den greba orokorrean aurrerapauso bat eman dugu, gure milaka eta milaka kide gizonekin batera.

Erregimenaren errepresioa garaitzeko modu bakarra kaleko borroka da!

Enlace al artículo en castellano

Martxoaren 24an Altsasu manifestazio erraldoi baten eszenatokia bihurtu zen. 7.500 biztanle dituen herri honetako ehundaka boluntario aritu ziren lanean jendetza ikaragarriaren harrera antolatzen. Hainbat pankarta eta informazio panel egin eta eskegi zituzten herrian zehar muntaia honen prozesu judizial eta errepresiboa azalduz, azpiegitura guztia antolatu zuten, aparkalekuak, informazio guneak, elkartasun puntuak, etab.