Emakume langilearen egun historikoak Euskal Herriko kaleak bete ditu berriro, hala nola estatu mailan, manifestazio handi eta jendetsuetan, emakumez, gaztez, langilez gainezka, gure klasearen indar aparta erakutsiz. Eta berriro ere, manifestazioen izaera antikapitalista argi geratu da eta ozen baino ozenago entzun dira ultraeskuindar negazionisten aurkako oihuak, Palestinako herriak jasaten duen genozidio sionista salatzen dutenak edota PSOEko ministroek ordezkatzen duten feminismo burgesaren itxurakeria seinalatzen dutenak.

Hamarnaka mila gaztek bat egin dugu ikasle greba feministarekin eta Hego Euskal Herriko lau hiriburuetako manifestazioetan parte hartu dugu. Historia egingo dugu berriro! Kapitalismoaren aurka, matxismoaren aurka, justizia patriarkalaren aurka, eta Palestinako herriari elkartasuna adierazteko. Ikasle greba feminista hau azaroaren 30eko greba orokor feminista historikoaren jarraipena da guretzat ere. Jakina, badaude arrazoiak eta indarra greba orokor feminista berriro deitzeko! Hori izango da bidea! Mobilizatzea, gelak eta lantokiak geldiaraztea eta antolatzea. Gaur arratsaldean denok mobilizazio bateratuetara!

Aski da! Errepresiorik ez! Denok M8ko ikasle greba feministara!

Deskargatu kartela | eskuorria 

Gu hiltzen eta bortxatzen jarraitzen dute! Indarkeria matxista borrokatu!

Feminista iraultzaileak Gazako genozidioaren aurka!

MANIFESTAZIOAK 12etan

Bilbo: Arriaga Plazan / Donostia: Boulevard

Gasteiz: Andra Mari Zuria / Iruñea: Udaletxea

Indarkeria matxistak iaz ere marka guztiak hautsi zituen. 56 emakume erail zituzten, 2022an baino 7 gehiago; bortxaketak %53,2 igo dira eta sexu-eraso mordoa neska, haur zein nerabeen aurkakoak izan dira; ehunka salaketa judizial artxibatuta eta erasotzaileak kaleetan; milaka emakume salerosketaren, prostituzioaren eta alokairuko sabelen biktima…

Milaka lagun kalean matxismoaren, patronalaren eta EAJren Jaurlaritzaren aurka

Azaroren 30ean, milaka pertsona mobilizatu ginen Hego Euskal Herriko txoko guztietatik, emakumeok gure lanpostuetan pairatzen ditugun prekarietatea, nahiz zerbitzu publikoen eta zainketen murrizketa eta pribatizazio basatiak salatzeko.

Deskargatu kartela

Mobilizazioak

Gasteiz: 12:30etan San Anton Plaza | Bilbo: 18etan Jesusen Bihotza

Donostia: 18etan Boulevard | Iruñea: 18etan Antoniutti

2023 markak hausten ari da indarkeria matxistaren datuetan. 52 emakume hil dituzte aurten estatu mailan, 2003az geroztik 1.237 . Bortxaketak %53,2 ugaritu dira, eta egunero agertzen dira albiste berriak komunikabideetan. Haur eta neska oso gazteen aurkako sexu-erasoak, mendetasun kimikoaren erabilera, salaketa artxibatuak, erasotzaileak kalean... Guk hildakoak jartzen ditugu eta hemen ez da ezer gertatzen. Jasanezina da.