Ikasle Sindikatuak eta Sindicato de Estudiantesek deitutako 48 orduko greba orokorrak irakaskuntza publikoa geldiarazi du. 2.460 institutu eta unibertsitate publikoetako 255 fakultate baino gehiagok bi eguneko borroka egin dute 3+2 dekretuaren aurka eta unibertsitate publiko eta duin baten alde. Otsailaren 26an, Ikasle Sindikatuak eta Sindicato de Estudiantesek deituta 100.000 ikasle mobilizatu ziren hiri eta herri askotan.
BILBO
11.30etan Arriagan.
DONOSTIA
11.00 Ibaetako aularioan.
GASTEIZ
12.00etan Elurretako aularioan.
IRUÑA
12:00etan UPNAtik.
Hemen dituzu erakunde hauen komunikatuen loturak
Unibertsitate publikoaren pribatizazioari ez!
Denok borrokara gure eskubideak defendatzeko!
3+2 dekretua edo nola bota unibertsitatetik langileen seme-alabak
PPren Gobernuak eta Jose Ignacio Wert Hezkuntza Ministro lotsagarriak gazteen eta langileen lorpen garrantzitsuenetako batekin amaitu nahi dute: goi mailako formakuntzarako sarbidea familien gehiengoarentzat. Ikasketak dirua zutenek bakarrik egin ahal zituzten eredura itzuli nahi dute, eta horretarako arrazoia oso argia da: goi mailako formakuntzara gutxiengo pribilegiatu bat bakarrik bideratu nahi dute, hauek baitira lanpostu onak bermatuta dituzten bakarrak. Gainontzekoentzat, gehiengoa, langabeziaz eta prekarietatez betetako etorkizuna prestatzen dute, eta, horrela, goi mailako ikasketak izateko eta kualifikazio on bat edukitzeko aukera kenduz, edozein lanpostu onartu behar izango dugun edo zuzenean langabezia zerrendara joan beharko dugun etorkizunera botatzen gaituzte.
