Mundu osoko ikasle mugimendua eta gazteria gaitzesten ari gara gure anai-arreben aurka Gazan egindako genozidio sionista.
Sarraskiak ez du etenik eta gure amorruak ere ez. Eraildako 40.000 pertsona baino gehiago, horietatik % 80 emakumeak eta haurrak, Gazako Eremuan etxebizitzen % 60 suntsituak izan dira, baita osasun-sarearen, ospitaleen eta unibertsitate guztien % 80 ere. Nahikoa ez balitz, Netanyahuk eta bere gobernu kriminalak gose-zigor ankerra ezarri diote herritarren % 90. Lerro hauek idazten ari garela, basakeria honen urrats berri batean gaude. Rafahko hainbat errefuxiatu-eremu, gazatarren azken desplazamendu-gunea, bonbardatzen ari dira sarraskia are gehiago handituz.
Milioika gara aski dela esateko ahotsa altxatzen dugunak eta kaleak manifestazio jendetsuez betetzen ditugunak. "Ez da gerra bat, genozidioa baizik!" unibertsitateetan zabaldu den oihua ez da itzaliko. Estatu Batuetako ikasleek Amerikako "demokraziaren" errepresioari aurre egitean adierazi duten ausardia adibide inspiratzailea da. New Yorketik Kaliforniara, Harvard, Michigan eta Austinetik igarota, ikasle mugimendu estatubatuarrak kinka larrian jarri ditu Bidenen gobernu konplizea eta lobby sionistak finantzatzen dituen unibertsitate-erakundeak.
Espainiako Estatuan, Valentziako Unibertsitateko ikasleek itxialdi eta kanpaldi iraunkorrak hasi zituzten. Madril, Bartzelona, Granada, Malaga, Santiago, Sevilla, Santander, Coruña, Alacant, Murtzia, Huelva, Kanariak, Oviedo, Palma Mallorcakoa, Bilbo, Jaen, Elx, Kordoba...Unibertsitate publiko askoren eta PSOE-Sumar Gobernuaren konplizitatearen aurkako partehartze zuzena zabaldu da, herri palestinarrarekiko elkartasun mugimenduaren garapenean aurrera eginez.
Aurrerapena ekintzan zein kontzientzian
Ikerketa-lan oso serioaren bidez, batzarrek sionismoak Espainiako unibertsitate publikoekin dituen lotura akademiko estuak azaldu dituzte. Eskandalua da: Israelgo belizismo izugarria kontzienteki sustatzen duten dozenaka unibertsitatek lotura sendoak dituzte gure ikastetxeekin, militarrei bekak emanez, arma hilgarriak garatuz eta abar. Horri gehitu behar zaizkio unibertsitatearen pribatizazioan negozioa bilatzen duten eta Israelgo Estatuarekin ere loturak dituzten enpresen arteko harreman ekonomikoak. Santander, Starbucks, Indra, Ferrovial, ACS... bezalako banku eta enpresekiko hitzarmenei buruz ari gara.
Kanpaldiek argi utzi dute inperialismoaren aurkako borroka enpresak gure unibertsitateetatik kanporatzeko borrokari lotuta dagoela, Hezkuntza % 100 publikoaren alde.
Konplizitate lotsagarri horrek borrokarako eta eskuhartze zuzenerako aurrerapauso bat ematera bultzatu ditu milaka gazte eta langile. Kanpaldiak protesta izatetik borroka antolatzeko gune izatera igaro dira, eraikin instituzionalak okupatzeko, unibertsitateko agintarien bilerak boikotatzeko, manifestazioak prestatzeko eta prestakuntza politikoan sakontzeko.
Jauzi kualitatibo oso esanguratsua da. Baina haratago doa, genozidioaren ankerkeriak, gobernu kapitalisten eta erakunde inperialisten konplizitateak sustatuta, ez baitute ezer egiten geldiarazteko, begiak zabaldu dizkie milioika pertsonari: gerra kapitalismoaren ondorioa da.
Horregatik, PSOE-Sumar Gobernuaren zinismoaz jabetuta gaude. Azkena Gobernuak Palestinako Estatua onartzea izan da. Su artifizialak hauteskunde garaian — ez du ezertara konprometitzen, eta ez du Palestinako herriak pairatzen duen infernua aldatuko —, ultraeskuinaren aurrean itxura aurrerakoi bat ematen saiatzeko, ezkerreko politikarik ez dagoenean eta, batez ere, Israelekin mota guztietako harremanak apurtzea ekarriko lukeen genozidioa geldiarazteko jarrera serioa. Baina Sanchezek eta sozialdemokraziak ez dute inolako interesik lobby sionistei aurre egiteko.
Ikusi besterik ez dago, adibidez, Palestinako Estatua aitortzen zuen egun berean, Pedro Sanchezek Valentziako Unibertsitate Politikoan kanpaladian zeuden ikasleen aurkako errepresioa baimendu zuela, errektorea eta hiriko Gobernu Ordezkaritza, PSOEren zuzendaritzapean, buru-belarri aritu zirenean Palestinako herriari gure elkartasuna adierazteko eskubide legitimoa eragozteko. A zer hipokrisia eta lotsa!
Eta gerrako eta gizateriaren aurkako krimenak egotzita Nazioarteko Zigor Auzitegiko fiskalak Netanyahu eta Israelgo beste goi-kargudun batzuk bilatzeko eta atxilotzeko agindua eskatzea ildo beretik doa.
Eskaera horri boikota egin diote Bidenek eta AEBko Kongresuak, eta Nazioarteko Zigor Auzitegiari eta haren kideei mehatxu egin diete, agindua emanez gero. Baina hilabeteak beste alde batera begiratu ondoren ezer ez dakarren eskaera epel hau egin behar izan badute, kaleetan piztu den presio sozialagatik da. Erakunde kapitalista horiek eta ordezkatzen dituzten gobernuek ikaragarrizko izua dute erasoaldiaren gorakadak eta erregimen sionistaren probokazioek gizarte-leherketak eragin ditzaten, lehenik eta behin mundu arabiarrean, baina baita AEBn, Erresuma Batuan eta Europa osoan ere.
Maniobren eta politika erreformisten aurrean, NBEri eta Nazioarteko Zigor Auzitegiari dei eginez sarraskia eta okupazioa geldiarazi ahal izango dela sinestarazi nahi digutenen aurrean, gazteak langileriaren metodoak borrokarako tresna gisa berreskuratzera abiatzen dira, demokrazia kapitalistarekiko mesfidantzan sakontzeaz gain.
Horren erakusgarri garbia izan da kanpaldien erantzuna Sumarrek eta Ezker Batuak kanpaldien eduki politikoa ahultzeko egin dituzten adierazpen hutsalei eta gezur-malkoei, Israelgo Estatuarekin lotura guztiak mantentzen dituen Ministroen Kontseiluan jarraitzen duten bitartean. Nahikoa ez balitz, oportunismo hori maila gorenera iritsi da ekainaren 2an Madrilgo kanpaldiko kideak Getafeko Sumarren mitinera joan zirenean, PSOE-Sumar gobernuak genozidioarekin zuen konplizitatea salatzeko. Yolanda Diaz eta bere kidekoen erantzun bakarra kalumniak eta indarkeria izan ziren, gansterren moduan.
Komunista iraultzaileen parte-hartzea
Lehenengo minututik, Ezker Iraultzaileak eta Ikasleen Sindikatuak eta komunista iraultzaileak kanpaldi eta itxialdien lehen lerroan izan gara. Gure baliabide material, giza baliabide eta hedabide guztiak jarri ditugu kanpaldiak bultzatzeko eta gure eskarmentua, ekarpenak eta iritzi politikoak partekatzeko.
Hala erakutsi dugu Malagan, Sevillan, Bartzelonan, Madrilen, Valentzian, Asturiasen... Fronte Bakarra ezarri dugu ibilbide politiko oso desberdineko hainbat organizazio eta aktibistekin, programa antikapitalista, antiinperialista eta klase-independentziakoa defendatzeko. Adibide bat izan da gu ikaratzen saiatu diren elementu probokatzaile faxisten aurkako autodefentsa. Ordena-zerbitzua sortzeko eta gure integritatea eta segurtasuna geure indarretan soilik oinarritzeko beharra defendatu dugu.
Bestalde, hainbat kanpalditan proposatu dugu mugimenduari zentraltasuna, antolaketa eta estrategia emateko, inprobisazioari saihesteko, koordinazio- eta zuzendaritza-taldeak sortzea ardurak ezeztagarriak izango direlarik batzarretan aukeratuta. Urrats hori oso garrantzitsua da, horrela funtzionatzeak aukera ematen baitu erantzukizunak demokratikoki kontrolatzeko batzarren bidez. Gainera, unibertsitateen maniobra instituzionalei, errepresioari eta asteetan itxialdi edo kanpaleku bat mantentzeko zailtasunei aurre egiteko gai izango den egitura eraginkorra ematen dio mugimenduari.
Borrokan ari diren langileei Palestinako herriarekiko elkartasunean parte hartzeko eta bat egiteko deia egitea, greba orokorra borrokarako tresna gisa defendatzea edo Gobernuak genozidio horretan duen konplizitatea adieraztea... ideia horiek azpimarratu ditugu eta harrera ona izan dute, eta borrokan ari diren gazteen kontzientzia borrokalaria erakusten dute.
Gazaren kontrako zortzi hilabeteko erasoaldiaren ondoren, Netanyahu eta bere Gobernua sistema kapitalistaren ustelduraren eta eskuin muturraren erasoaldiaren froga gorena bihurtu dira. Hori bere barne-politikan islatu da, non genozidioaren salaketa isilarazteko protestarako eskubidea eragotzi den eta hainbat komunikabide zentsuratu diren, Associated Press kasu,.
Horregatik, herri palestinarrarekiko elkartasun-mugimendua bultzatzen eta indartzen jarraitu behar da. Kanpaldiak urrats bat dira norabide honetan. Aipatzekoa da unibertsitate batzuek, hala nola Malaga, Sevilla, Bartzelona, Granada, Jaen..., israeldarrekin harremanak aldi baterako eten behar izan dituztela, kanpaldiei esker eta gizarteak begi onez hartu izanari esker. Borrokak balio duelaren froga dugu hau. Baina badakigu ez dela nahikoa, ez gara konformatzen. Beharrezkoa da borroka hau langileen mugimendura eta lantokietara zabaltzea, eta kaleak betetzea, genozidioa geldiarazteko lanuzteen eta greba orokorraren eskaera berriro mahai gainera eramatea.
Etsitzen ez duen eta borrokari aurpegia ematen dion Sindikalismo alternatiboak eta borrokatzaileak, mugimendu sozialak eta ikasle mugimenduak, aurrerapauso bat eman behar dugu, nazioarteko elkartasuna altxatzen jarraitu behar dugu basakeria hori geldiarazteko. Zeregin horretan ari gara Ezker Iraultzaileko eta Ikasle Sindikatuko kideak.
