enlace artículo en castellano

Klase arteko borrokak eraitsiko du Donald Trump!

No Justice, no peace!

AEBetan altxamendu sozial bat ematen ari da. Sute piztu duen txinparta, maiatzaren 25ean Minneapolisen gertatu zen, polizia supremazista zuri batek George Floyd erail zuenean. Ordutik, mobilizazio jendetsuak eta baketsuak egin dituzte ehunka hiritan, errepresioari, etxeratze-aginduari eta Donald Trumpek manifestarien aurka tiro egiteko egindako deiei aurre eginez.

Komunikabideak eta sare sozialak betetzen dituzten irudiak zirraragarriak dira, eta iragan hilabeteetan Santiagon, Bogotan, Quiton edo Parisen izandako gertakari iraultzaile handiak ekartzen dituzte gogora. Sistema kriminal baten aurka altxamenduari ekin dioten zapalduak dira.

Milaka gazte beltz, zuri, asiar, langile eta adinekoen ausardia eta irmotasuna mundu guztira zabaldu da. The Associated Press egunkariaren arabera, Poliziak gutxienez 9.300 pertsona atxilotu ditu ekainaren 3ra arte: Los Angelesen 2.700 atxiloketa, New Yorken 1.500 eta antzekoak hiri guztietan. Trumpek Guardia Nazionaleko 50.000 polizia mobilizatu ditu. Hala ere, errepresio basatiak eta komunikabideen kriminalizazio kanpainak ez dituzte manifestariak beldurtu.

Estatuko botereek babesten duten makineria polizial kriminalak eraildako gazte eta langile afroamerikarren zerrendak ez du amaierarik Amerikako Estatu Batuetan. Baina polizia-indarkeria arrazistaren ekintza horrek zerrendara izen bat gehitzeaz gain, klase agintari estatubatuarra aspalditik beldurtzen duena eragin du: gizartean eratzen joan diren kontraesan guztiak mugimendu berean elkartu dira.

Krisi ekonomiko basatia eta eragiten ari den langabezia masiboa, oinarrizko gizarte-zerbitzuen eta osasun publikoaren erabateko gabeziarekin uztartzen dira. Enpresarien eliteak aberastasun ikaragarria biltzen duen bitartean milioika familia pobrezian hondoratzen ditu eta Washingtongo politikariek diru publikoarekin Wall Street eta korporazio handiak erreskatatzeko planak onartzen dituzte.

Koronabirusaren pandemiak kapitalismo estatubatuarraren lapiko ustela utzi du agerian: hildako gehien dituen herrialdea da (datozen asteetan 200.000 hildako izan daitezke) eta klase arteko arrakala etengabe handitzen ari da.

Polizia-indarkeria arrazistaren gertaera berri horrek izen bat gehitzen dio Estatuko botereek babestutako makineria kriminal batek hildako gazte eta langile afroamerikarren zerrenda amaigabeari, eta horren ondorioz, klase menderatzaile estatubatuarrak aspalditik du beldurra: gizartean inkubatutako kontraesan guztiak mugimendu berean elkartzea.

Langabezia masiboak eta krisi ekonomiko basatiak, oinarrizko gizarte-zerbitzurik eta jende arruntaren bizitza babesten duen osasun publikorik ez izateak, aberastasun lizunak biltzen dituen eta dozenaka milioi familia pobrezian hondoratzen dituen enpresa-elitearekin kontrastatzen du. Bitartean, Washingtongo politikariek Wall Streeterako eta korporazio handietarako erreskate planak onartu dituzte baliabide publikoekin.

Koronabirusaren pandemiak kapitalismo estatubatuarraren lapiko ustela agerian utzi du. Donald Trumpen axolagabekeria erabatekoa izan da osasun krisian zehar: 100.000 hildako baino gehiago egon dira, eta kopuru hori bikoiztu egin daiteke datozen asteetan. Baina heriotza hauek klase eta arraza izaera argia ere badute.

Estatu aparatu arrazista, kapitalaren eta elite zuriaren zerbitzura

Munduko lehen potentziaren kaleetako eztanda sozial honek AEBetako burgesiaren erakundeen arrazakeria organikoa adierazten du zuzenean. Arrazaren zapalkuntza poliziaren, epaileen eta Estatu kapitalistaren muinean bertan dago.

Donald Trump da supremazismo zuri kapitalista honen adierazpen nagusia. Finantza eta enpresa oligarkia aberasten baino ez dakien plutokrata honek ez du zalantzarik izan mugimenduari gerra deklaratzeko orduan, tiroketak lehenbailehen hasteko deia eginez eta protestetan aktiboki parte hartu duten erakunde ezkertiar eta antifaxisten ilegalizazioa proposatuz.

Bere “Make America Great Again” leloa arrazakeria eta xenofobia astintzen dituen bandera da, eta etengabe hauspotzen du kontsigna hori bere oinarri sozialaren artean: Mexikoko mugan harresia eraiki zuen, migratzaile mexikarrei tiro egiteko baimena eman zuen, Ku Klux Klaneko faxista zurien alde egin zuen….

Baina arrazakeria, batez ere, klase auzia da. Eric Garner, Trayvon Martin, Mike Brown, George Floyd eta poliziak hildako guztien delitu bakarra beltzak eta langile klasekoak izatea izan zen. Segurtasun-indarrak, haien legeak eta justizia klase nagusiaren interesen zerbitzura daude, hau da, burdinazko ukabilez gizarteko geruza pobreenak kolpatzen dituzten bankari eta enpresarien interesen zerbitzura.

Elkartasun internazionalista

Mugimendu honek mundu osoan piztu duen elkartasunak izerdi hotzak eragiten dizkie kapitalistei. Mobilizazio jendetsuak Londres, Paris, Berlin eta Auckland hirietara zabaldu dira. Inspirazio handia zapalduentzat.

Espainiako Estatuan esanguratsua da Voxek eta PPk Donald Trumpi emandako babesa. Ez da kasualitatea. Gizarte autoritario, arrazista, klasista eta polizialaren eredu bera defendatzen dute. Horregatik, erreakzionario horiei erantzunik eta gaitzespenik onena da gure babesik handiena ematea AEBetako erregimen kapitalistaren aurka borrokan dabiltzan gazte eta langileei. Eta, aldi berean, PSOE-UP Gobernuari xenofobia eta arrazakeria instituzional orori amaiera emateko exijitu behar zaio, lehenik eta behin langile etorkinen berehalako erregularizaziotik, atzerritartasun legea indargabetzetik eta CIEak ezabatzetik hasiz.

Gure anai-arrebek AEBetan egiten ari diren borrokak agerian uzten du hondamendi kapitalistari aurre egiteko modu bakarra dagoela: gure indarrak muga ororen gainetik batzea, esplotatzaileek inposatu nahi duten edozein arraza-zatiketaren gainetik, justizia sozialean oinarritutako sistema ekonomiko eta sozial baten alde borrokatzeko. Gizarte sozialista bat, non gure izerdiarekin sortzen ditugun baliabideak herritarren beharren zerbitzura egongo diren, eta ez daitezen izan kapital finantzarioaren diktadurari ordaindu beharreko zerga.

Enplegu eta soldata duina bermatzea, etxegabetzeekin amaitzea eta etxebizitza publiko duina eskuragarri ezartzea, kalitatezko osasun eta hezkuntza publiko, unibertsal eta doakoak bermatzea, arraza, genero, nazio eta klase zapalkuntza mota guztiak ezabatzea erabat posible da, baina soilik sistema kapitalistarekin amaituz eta mundu sozialista bat eraikiz. Indarra daukagu, eta erakunde masibo bat eraiki behar dugu eginkizun hori gauzatzeko.

¡Black Lives Matter!

Emakume Aske eta Borrokalariak

Eraiki gurekin feminismo antikapitalista eta iraultzailea

Zozketaren data berria: azaroak 21

200623 1

Koronabirusaren krisia dela eta, gure errifaren zozketa azaroaren 21era atzeratuko dugu. Halaber, kontaktu telefonoa aldatu beharrean gara. Informazio gehiago jasotzeko deitu 685 70 82 81 tlf zenbakira.

Catalá y Castellano

logoIR

Jarrai gaitzazu