(abajo en castellano)

Borrokak aurrera jarraitu behar du hezkuntza komunitatearen greba orokor berri baten deialdiarekin

Egoera benetan larria da! Kalitatezko hezkuntza publiko, presentzial eta seguruaren alde!

Ikasturte honen hasiera ikaragarrizko desastrea izaten ari da, Madrilgo Hezkuntza Ministerioaren eta Eusko Jaurlaritzaren hezkuntza sailaren -besteak beste- utzikeriaren erruz. Konfinamendutik 6 hilabete eduki ondoren, ez dute inolako neurri eraginkorrik hartu eta behar bezalako inbertsio ekonomikorik bermatu hezkuntza publikorako, geletako ratioak jeisteko, irakasleak kontratatzeko, ikastokiak egokitzeko...

Agerian geratu da Urkulluren Gobernuak bere ahultasuna eta isolamendua

Irailaren 15ean greba orokorrak EAEko ikastetxeak geldiarazi zituen eta Gateziko, Bilboko eta Donostiako kaleak bete genituen manifestazio jendetsuekin. Sindikatu guztiek deitu zuten greba - ELA, LAB, STEILAS, CCOO, UGT eta ESK- eta horien arabera grebak %68ko jarraipen zabala izan zuen, nahiz eta Eusko Jaurlaritzak gutxieneko zerbitzu izugarriak ezarri zituen, pandemiaren aitzakiapean -%100 garbiketan, %75 hezkuntza berezian, etab.-

(Abajo en castellano)

Estatu mailan pandemiaren larritasunagatik kontzentrazioak bertan behera uztea erabaki denez, eta EAEn I-15ean eman genuen erantzun indartsua kontuan hartuta, bertan behera utziko ditugu osteguneko kontzentrazioak.

Irailak 15ean ikasleok eta hezkuntzako langileak arrakasta ikaragarria izan zuen greba egin genuen Eusko Autonomi Erkidegoan. Kaleetan 17 milatik gora izan ginen – 8 mila Bilbon, 5 mila Gasteizen eta 4 mila Donostian- eta grebak jarraipen itzela izan zuen langileen artean (%68koa sindikatuen arabera) eta baita ikasleen artean ere, gelak hustu eta kaleak indartsu hartu genituen.

(abajo en castellano)

Ikasturte hasiera hezkuntzako mobilizazio indartsuekin hasi da eta ikasleak lehen lerroan kokatu gara borroka honetan. Arrazoiak benetan larriak dira. Gobernu zentralak zein autonomikoek diru publikoko milioika euro jarri dituzte enpresarien irabaziak erreskatazeko eta ez dira gai izan hezkuntza publiko seguru eta presentzial bat izateko baliabideak jartzeko. Baliabide horiek exijitzen ditugu, geletako ikasle kopurua gehienez 15 izan dadin, horretarako 10 mila irakasle kontratatu ditzaten hego Euskal Herrian, hezkuntza publikoa erreskatatu dezaten kalitatezkoa, duina eta segurua izan dadin langile familientzat.

(abajo en castellano)

Ikasle Sindikatutik berri oso ona dela deritzogu ELA, LAB, STEILAS, CCOO eta UGT sindikatuek hezkuntzan grebara deitu izana irailaren 15ean, eta indarrak batzeko ikasleei ere egun horretan ere greba egitera dei egiten diegu irakasle eta langileekin batera. Halaber, irailaren 16, 17 eta 18ko ikasle grebari eusten diogu borrokarekin jarraitzeko hautua eginez.

(abajo en castellano)

Kalitatezko hezkuntza publiko presentzial baten alde, ikasgela seguruekin!

Irakasleak kontratatzeko, ratioak murrizteko eta arrakala digitalarekin amaitzeko plan eraginkor baten alde!

2020-2021 ikasturtea kaosaren erdian hasten da, eta ez dago kalitatezko hezkuntza publiko presentziala, eta ikasgela seguruak bermatzeko plan eraginkorrik.Horren aurrean, bai Hezkuntza Ministerioak, bai Nafarroako eta EAEko gobernuek uko egin diote arazoa errora joan eta baliabide masiboak inbertituz, hezkuntza publikoa erreskatatzeko plan bat abian jartzeari. Eta ez dute hori egin, ez dituztelako hezkuntza publikorako aurrekontuak handitu nahi. Horren aurrean, milaka milioi euro eskaini dizkie Ibex 35eko enpresa eta banku handiei, eta dirutzak itunpeko hezkuntza pribatuetara edota AHTa bezalako obretara.