Martxoaren 9an Hezkuntza Komunitate osoko Greba Orokorra!
Gure buruak bizirik nahi ditugu, aske eta borrokalari!
Datorren martxoaren 8an emakumeen hainbat elkarte eta mugimenduk mundu mailako grebarako deia egin dute indarkeria matxistaren aurka eta gure eskubideen defentsan. Azken hilabeteetan, mundu osoan milioika emakume mobilizatu dira helburu horretan: AEBn Trumpen eta bere diskurtso misoginoaren, arrazistaren eta homofoboaren aurka, Polonian bertako gobernu eskuindarrak zeukan abortatzeko eskubidea ukatzeko asmoaren aurka, Latinoamerikan milioika emakume atera ziren kalera hiri nagusietan lelo batekin: Gure buruak bizirik nahi ditugu, inor gehiago ez!
Urtarrilak 19 eta 20: Iparramerikako ikasleen borrokarekiko elkartasun jardunaldiak
Donald Trump AEBko presidente hautatzeak benetako haserrea eragin du mundu osoko gazteen, emakumeen, etorkinen, LGTB komunitatearen eta langileen artean. Bere diskurtso arrazista, matxista, homofoboa eta atzerakoia praktikara eramanez gero, benetako amesgaizto bilakatuko du milioika pertsonen bizitza: komunitate latinoak, beltzak, musulmanak, AEBko eta mundu osoko langile eta gazteok ondo dakigu ondorio oso larriak ekarriko dituela munduko potentzia handieneko buruan neofaxista hori egoteak.
Borrokak merezi duela ikusi ahal izan dugu Ikasle Sindikatuak deiturako greba izan eta egun gutxiren buruan. Azken orduan, Hezkuntza Ministerioak autonomia erkidegoetako kontseilariekin izandako bileraren ondoren, publiko egin zuten Wert ministro ohiak diseinatutako errebalidak kenduko dituztela. Akordio horrekin, batxilergoko bigarren urteko proba orain arteko Unibertsitatera Sartzeko Probaren antzekoa izango da, eragin akademikorik gabea; hau da, ez da beharrezkoa izango batxilergoko titulua eskuratzeko. DBHko 4. mailako eta lehen hezkuntzako errebalidei dagokienez, ez dira nahitaezkoak izango, ez dute eragin akademikorik izango eta lagin izaera izango dute; hau da, ikastetxe batzuek bakarrik egingo dute. Akordio horrek gauza bat erakusten du: errebalida frankistak atzera botatzea eta milaka eta milaka ikasle ikasgeletatik ez bidaltzea lortu dugu!
Pasa den astean, 5 eguneko greba egin dute EHUko eta hezkuntza publikoko garbitzaileek. 2014az geroztik iraungita dute hitzarmen kolektiboa eta lan baldintza duinak aldarrikatzeko atera dira grebara azaroaren 7tik 11ra. Aldarrikapenen artean zeuden soldatak igotzea eta lan partziala lanaldi oso bilakatzea. Borroka horretan erabat positiboa izan da sindikatu guztien ekintza batasuna, ELA, UGT, LAB, ESK eta CCOOk deitu baitute grebara.
Ikasle Sindikatuak babes osoa eskaini nahi die beren eskubideen alde borrokan ari diren garbitzaileei. Era berean, ikasleei dei egiten diegu garbitzaileen borroka babestu eta beren mobilizazioetan parte hartzera.
Langileak eta ikasleak, batera borrokan!
