(abajo en castellano)

Ikasturte hasiera hezkuntzako mobilizazio indartsuekin hasi da eta ikasleak lehen lerroan kokatu gara borroka honetan. Arrazoiak benetan larriak dira. Gobernu zentralak zein autonomikoek diru publikoko milioika euro jarri dituzte enpresarien irabaziak erreskatazeko eta ez dira gai izan hezkuntza publiko seguru eta presentzial bat izateko baliabideak jartzeko. Baliabide horiek exijitzen ditugu, geletako ikasle kopurua gehienez 15 izan dadin, horretarako 10 mila irakasle kontratatu ditzaten hego Euskal Herrian, hezkuntza publikoa erreskatatu dezaten kalitatezkoa, duina eta segurua izan dadin langile familientzat.

(abajo en castellano)

Ikasle Sindikatutik berri oso ona dela deritzogu ELA, LAB, STEILAS, CCOO eta UGT sindikatuek hezkuntzan grebara deitu izana irailaren 15ean, eta indarrak batzeko ikasleei ere egun horretan ere greba egitera dei egiten diegu irakasle eta langileekin batera. Halaber, irailaren 16, 17 eta 18ko ikasle grebari eusten diogu borrokarekin jarraitzeko hautua eginez.

(abajo en castellano)

Kalitatezko hezkuntza publiko presentzial baten alde, ikasgela seguruekin!

Irakasleak kontratatzeko, ratioak murrizteko eta arrakala digitalarekin amaitzeko plan eraginkor baten alde!

2020-2021 ikasturtea kaosaren erdian hasten da, eta ez dago kalitatezko hezkuntza publiko presentziala, eta ikasgela seguruak bermatzeko plan eraginkorrik.Horren aurrean, bai Hezkuntza Ministerioak, bai Nafarroako eta EAEko gobernuek uko egin diote arazoa errora joan eta baliabide masiboak inbertituz, hezkuntza publikoa erreskatatzeko plan bat abian jartzeari. Eta ez dute hori egin, ez dituztelako hezkuntza publikorako aurrekontuak handitu nahi. Horren aurrean, milaka milioi euro eskaini dizkie Ibex 35eko enpresa eta banku handiei, eta dirutzak itunpeko hezkuntza pribatuetara edota AHTa bezalako obretara.

(abajo en castellano)

Eusko Jaurlaritzak inposatu nahi zuen klaserako itzulera benetako porrota izan da ikasleok - ikasle greba orokorra deituz - irakasleek eta familiekin batera egin dugun presioari eta antolakuntzari esker. Argi esan genuen eta berresten dugu, gure osasunarekin eta gure etorkizunarekin ez da jolasten! Horrek erakusten du, elkarrekin borrokatzen badugu mobilizazio irmo baten baitan, hezkuntza publikoa gizarte-larrialdiko egoeratik erreskatatzea lor dezakegula, gobernu zentralen eta autonomikoen etengabeko erasoen eta datorren ikasturterako marrazten hasi diren egoera onartezinaren aurrean. Hori da gure hezkuntzarako eskubidea segurtasun baldintza duinetan bermatzeko modu bakarra!

(abajo en castelano)

sinatu eskaera change.org-en

Ez dugu onartzen azterketarako aste beteko epearekin abisatzea, hilabeteetan zehar baztertuak izan garenean

Goi-mailako Lanbide Hezkuntzarako sarbidea prestatzen ari garen ikasleei aste beteko epearekin jakinarazi zaigu azterketaren behin betiko data, Euskadiko administrazioak hilabeteetan zehar erabat abandonaturik eduki gaituenean. Ez dugu eskolarik izan, eta ez dugu inolako jarraipenik edo online laguntzarik jaso, ez eta ikasteko material egokirik ere. Maiatzaren 19an, Eusko Jaurlaritzako Hezkuntza Sailak jakinarazi zigun azterketa maiatzaren 27an eta 28an egingo zela. Gainera, sarbide-azterketa horiek ez dute aparteko deialdirik, eta, ondorioz, ikasturte osoa jokoan jartzera bultzatu nahi gaituzte irabaztea ia ezinezkoa den apustu batetan.

 (abajo en castellano)

CEPA SANTURTZI HHI-ko ikasleen oharra

“CEPA SANTURTZI HHI" ikastetxeko goi-mailako gradurako sarbide-probako ikasleok Eusko Jaurlaritzako Hezkuntza Sailaren aldetik jasan dugun bazterketa salatu nahi dugu. Aurrez aurreko eskolak bertan behera utzi zirenetik, ikasleek ezin izan dugu ikasturtea erraztasunez jarraitu. Gure kasuan, Helduentzako Hezkuntzako ikasleak garen aldetik, ezin dugu klaserik izan ezta online asistentziarik ere. Nahiz eta hori gainerako ikasleentzat ere ez den irtenbide bat izan egungo egoerarako, gure kasuan ez da horrelako ezer egon.