(abajo en castellano)

Eusko Jaurlaritzak inposatu nahi zuen klaserako itzulera benetako porrota izan da ikasleok - ikasle greba orokorra deituz - irakasleek eta familiekin batera egin dugun presioari eta antolakuntzari esker. Argi esan genuen eta berresten dugu, gure osasunarekin eta gure etorkizunarekin ez da jolasten! Horrek erakusten du, elkarrekin borrokatzen badugu mobilizazio irmo baten baitan, hezkuntza publikoa gizarte-larrialdiko egoeratik erreskatatzea lor dezakegula, gobernu zentralen eta autonomikoen etengabeko erasoen eta datorren ikasturterako marrazten hasi diren egoera onartezinaren aurrean. Hori da gure hezkuntzarako eskubidea segurtasun baldintza duinetan bermatzeko modu bakarra!

(abajo en castelano)

sinatu eskaera change.org-en

Ez dugu onartzen azterketarako aste beteko epearekin abisatzea, hilabeteetan zehar baztertuak izan garenean

Goi-mailako Lanbide Hezkuntzarako sarbidea prestatzen ari garen ikasleei aste beteko epearekin jakinarazi zaigu azterketaren behin betiko data, Euskadiko administrazioak hilabeteetan zehar erabat abandonaturik eduki gaituenean. Ez dugu eskolarik izan, eta ez dugu inolako jarraipenik edo online laguntzarik jaso, ez eta ikasteko material egokirik ere. Maiatzaren 19an, Eusko Jaurlaritzako Hezkuntza Sailak jakinarazi zigun azterketa maiatzaren 27an eta 28an egingo zela. Gainera, sarbide-azterketa horiek ez dute aparteko deialdirik, eta, ondorioz, ikasturte osoa jokoan jartzera bultzatu nahi gaituzte irabaztea ia ezinezkoa den apustu batetan.

 (abajo en castellano)

CEPA SANTURTZI HHI-ko ikasleen oharra

“CEPA SANTURTZI HHI" ikastetxeko goi-mailako gradurako sarbide-probako ikasleok Eusko Jaurlaritzako Hezkuntza Sailaren aldetik jasan dugun bazterketa salatu nahi dugu. Aurrez aurreko eskolak bertan behera utzi zirenetik, ikasleek ezin izan dugu ikasturtea erraztasunez jarraitu. Gure kasuan, Helduentzako Hezkuntzako ikasleak garen aldetik, ezin dugu klaserik izan ezta online asistentziarik ere. Nahiz eta hori gainerako ikasleentzat ere ez den irtenbide bat izan egungo egoerarako, gure kasuan ez da horrelako ezer egon.

Ikasle greba mugagabea egun horretatik aurrera EAEko institutu guztietan

Gure osasunarekin eta etorkizunarekin ez da jolasten!

(abajo en castellano) deskargatu kartela eta greba eskariko idatzia

Eusko Jaurlaritzak atzera egin behar izan du maiatzaren 18rako klasera itzultzeko egin zuen aginduan. Cristina Uriarte Hezkuntza sailburuak iragarri zuen maiatzaren 25era atzeratzen zutela ikastetxeen irekiera, Espainiako Gobernuak ez zuelako beharrezko estaldura juridikorik eman, nahiz eta Eusko Jaurlaritzaren proposamena onartu zuen. Baina errealitatean, ikasleek, langileen sindikatuek eta familiek desastre honen aurka egin dugun presioa izan da atzera egitera behartu dituena.

Sinestezina badirudi ere, Eusko Jaurlaritzak agindutako klasera itzuleraren aurrean deitu dugun grebaren aurrean, gure eskubideen zapalkuntza kasuak ematen ari dira EAEko hainbat ikastetxetan. Greba eskubidea, ikasleon eskubidea da, eta oraingo honetan are garrantzitsuagoa, klasera itzultzeak gure osasuna jokoan jartzen baitu. Beraz, ezin dugu inolako zigorrik edo penalizaziorik onartu, hasteko ez baita legezkoa. Bestalde, ikasleok greba egiteak guztiz bermatu behar du objektiboki ebaulatuak izateko dugun eskubidea, eta beraz ezingo zaigu azterketan gutxiegi jarri, ez aurkeztu bezala jarri inolako kasutan. Greba egiten duzula adierazteko, soilik ondorengo idatzi hau bidali behar duzu zure datuak jarriz, zure ikastetxeko emailera eta hezkuntza sailburura.

Deskargatu idatzia

Arazorik baduzu, jarri kontaktuan!

(abajo en castellano) deskargatu kartela

Eusko Jaurlaritzaren arduragabekeriaren aurka
Gure osasunarekin eta etorkizunarekin ez da jolasten!

Eusko Jaurlaritzak maiatzaren 18an klaseak berriro hasteko asmo irmoa iragarri du. Egun horretatik aurrera “ikasturte sentiberak” izendatu dituztenak hasiko lirateke: 2. Batxilergoa, Goi Lanbide Heziketako 1. eta 2. maila, eta Erdi mailako eta oinarrizko Lanbide Heziketako 2. maila. Plan horien arabera, aste bete beranduago, maiatzaren 25ean hasiko lirateke 4. DBH, 1. Batxilergoa eta Erdi mailako LH 1. Erabaki hori desastre hutsa da eta gure osasuna arriskuan jartzen du. Ikasle Sindikatutik neurri honen guztiz aurka agertzen gara, arduragabekeria itzela dela salatuz, eta dei egiten diegu ikasle guztiei desastre honi uko egitera: klasera ez joateari dei egiten diogu, greba orokor mugagabeari.