Oharra: Greba Katalunian deitu da. Euskal Herrian ikastetxeetan elkartasun ekintzak, kontzentrazioak, asanbladak, etab. egitea proposatu dugu, urriaren 31an eta baita ondoren ere,. Ezinbestekoa da borroka hori ezagutzera ematea eta gure babesa adieraztea manipulazio kanpaina honetan. Ondoren Ikasle Sindikaturen adierazpena eta Sindicat d’Estudiantsen adierazpena jarri ditugu hurrenez hurren.

Ezingo dute herri bat isilarazi!

Denak errepresio frankistaren aurka!

Langileen eta gazteen Kataluniako errepublika!

Ikusi eguneko argazki  eta bideoak

2017ko Urriaren 1eko erreferendumaren aurkako sententziak herri altxamendu ikaragarria eragin du Katalunian. Lehen egunetik milioika pertsonek kaleak bete dituzte, errepideak moztuz, el Prateko aireportua hartuz, etab. Estatu espainiarraren errepresio aparatuak eta manipulazio mediatikoak ez dute atsedenik hartu mobilizazio horien aurka. Eta hala ere, errepresioak jende gehiago mobilizaziora batzea eta elkartasuna zabaltzea eragin du. Ikasleek eta gazteek jokatu duten paper protagonista eztabaidaezina izan da. Ikasle Sindikatuak, deialdia egina zeukan epaia ezagutu bezain laster kaleak hartzekoa. Hiru eguneko ikasle grebak, ehun milaka ikasle mobilizatu ditu, ostegunean 200 mila ikasleko manifestazioa egitera iritsiz Bartzelonan. Urriaren 18 ostiralean greba orokorrak argi utzi zuen Kataluniako gazte eta langileak badutela indarra eta konbikzioa errepublika sozialista baten aldeko borroka amaierara arte ematekoa.

Mobilizazioak 12etan

Bilbo: Arriagan
Donostia: Bulebarrean
Gasteiz: Andramari Zurian

Deskargatu hemen orria eta kartela

Frankismoko garaien pareko eskubide demokratikoen aurkako errepresio erasoaldia jasaten ari gara.

Urte hauetan, milaka gazte eta langile irten gara kalera murrizketen aurka, hezkuntza publikoari eginiko erasoen eta miseriazko soldaten aurka; indarkeria matxistaren eta bortxatzaileei inpunitatea eskaintzen dien “Manaden” aurka; klima aldaketaren eta beren arduradunen aurka; eta guztiz legitimoa den erabakitzeko eskubidearen alde, bai Euskal Herrian eta baita Catalunyan ere, 2017ko uriaren 1ean modu baketsuan erreferendum bat antolatu zuena, basakeria polizialari aurre eginez. Borroka hori guztia da hain zuzen ere manipulazioarekin, borrekin eta kartzelarekin geldiarazi nahi dutena.

KAPITALISMOA PLANETA HILTZEN ARI DA. IRAULTZA BEHAR DUGU!

Irailaren 27an krisi klimatikoaren aurka antolatutako nazioarteko ikasle greba erabat arrakastatsua izan zen mundu osoan. 150 hiri baino gehiagotan, milaka eta milaka gazte, langile eta pentsionistak gure ahotsa altxatu genuen sarraski ekologikoaren eta bere arduradunen aurka, goizez ikasleen manifestazioetan eta arratsaldez manifestazio orokorretan.

Urriaren 1eko epaiaren eta errepresio frankistaren aurka: tothom als carrers!

Asteazkena 16: ekintzak institutu eta fakultateetan
Osteguna 17: ikasle manifestazioak 12tan
Ostirala 18: ikasle eta langileen Greba Orokorra

Urriaren 1eko epaiketa fartsaren sententziak helburu oso argia du: Catalunyako herriak eraldaketa sozial sakonerako agertu duen aspirazioa zapaltzea. 2017ko urriaren erreferendumean lortu genuen garaipenaren aurkako erantzuna da, non herri antolakuntzaren eta mobilizazioaren bidez autodeterminazio eskubidea gauzatu genuen, gehiengo gogoangarriak Catalunyako errepublikaren alde bozkatuz.

Denak grebara eta manifestazioetara 12etan

Bilbo: Arriaga

Donosti: Boulevard

Gasteiz: Andramari zuriaren plaza / Virgen Blanca

Iruñea: Udaletxe plaza / Plaza del Ayuntamiento

Artículo en castellano

Deskargatu kartela eta eskuorria

Azken hilabete hauetan gazteok burutu dugun borroka izan da hondamendi ekologikoaren aurkako ekintza garrantzitsuena. Sarraskiaren benetako arduradunak seinalatu ditugu: sistema kapitalista, multinazional handiak eta beren zerbitzura dauden gobernuak. Mundu osoan ikasle grebak, manifestazioak, kontzentrazioak eta okupazioak ugaritu egin dira, azken urteetan “klimari buruzko goi-bilerak” antolatu dituzten politikarien hipokresia salatzeko; ingurugiroaz kezkatzen diren itxura egiten dute, baina natura suntsitzen jarraitzen dute, arnasten dugun airea eta jaten ditugun jakiak kutsatzen.